Latest News - 2018

An offering from our friend Niveditha

-The Dhananjayans

ஆலமரத்தின் அழகிய விழுதுகள் பல உண்டு அதில் இரண்டு இளம் விழுதுகள் தாய் மண்ணின் ஈரம் சுமந்து புது நிலத்தில் வேரூன்றின தாய் மண்ணின் வாசமும் ஈரமும் வேராய் இருக்க அயரா உழைப்பும் வளமிக்க கற்பனையும் உரமாய் இறங்க சிறிதளவும் மங்காத காதலும் வேட்கையும் நன்நீராய் பாய 50 வருட விருக்ஷமாய் பார் கொண்டாடும் நடன சிரோன்மணிகளாய் மதிப்புக்குறிய தனஞ்சயன்ஸ் திருவாளர் தனஞ்சயன் மாது ஶ்ரீ சாந்தா.

கலை இவரது ஆடுகளம் மூலதனம் உடல் மூச்சு நடனம் வாழ்வே நடனம் நடனமாகி நின்றார்கள் பொருள் ஈட்டும் வழி அன்று இந் நடனம் காவு கேட்கும் பெரும் தெய்வமிது தனை கரைத்து உருகி படைத்தால் சுகித்து மகிழ்ந்து சகலமும் தரும் இத் தெய்வம்.

உயிர்ப்புடன் படையல் படைப்பவர்கள் திருவாளரும் திருமதியும் ஓடும் நீர் நிலத்தின் நிறம் கொள்வதைப் போல கதாபாத்திரம் எதுவாயினும் அதுவேவாகி ஆடுவார் அரங்கத்தில்.

முலை பால் ஊட்டும் அன்னையா? கூனியா? குரங்கா? இன்னம் எத்தனையோ. உடல்மொழி இவருக்கு கை வந்த கலை மிகையான ஆட்டம் அன்று கச்சிதமான நடம். நான் என்கிறத்தன்மை விலகி உயிர்ப்பூட்டும் தன்மை வந்தமர்கிறது இவரிடம் .

இறை வந்தமரும் இடம் ஸாயுஜ்யம் இதுஅன்றோ! யாதுமாகி நிற்கும் நடனம் இவர்க்குள் வற்றா ஊற்றாய் ஆனந்த லஹரியாய்.

கலையெனும் பெருந் தெய்வம் கொலுவிருக்கும் நீவிர் பாக்கியம் செய்தவரே அதைக் காண பெற்ற எனக்கு இவ்வாழ்வு கொடுத்த கொடையே.

என் பணிவான பதிவு. இது என் 30 ஆண்டு கால ஆழ்ந்த காதல் பிரமிப்பு உணர்ச்சிபூர்வமான ரசிப்பின் தாக்கம் .

எல்லாவற்றையும் கண்டு முதல் முடிவே சரி என பகர்ந்த என் இதயத்தின் குரலை ஆமோதித்தேன்.இன்று வரை அதில் மாற்றமில்லை.வைணவர்கள் போல நானும் என் தோள்களில் பச்சை குத்தி கொண்டிருந்திருப்பேன். ஆனால் செய்யவில்லை.ஆழ்ந்த அன்பும் மரியாதையும் அடக்கமிகுதியுடவை.ஊருக்கு பறை சாற்ற வேண்டிய அவசியமில்லை. இப் பெருங் கலைஞ்ர்களுக்கு என் வணக்கங்கள்.